Purple Cast | بيربل كاست

بودكاست و حوار ثري مع مروان نصار عن تحديات البيزنس، صناعة رائد الأعمال، البيزنس القائم علي الشغف، الأمان الوظيفي و الأهم اكتشاف المعني في الحياة، مواضيع مختلفة و نقاط ثرية تحت عنوان الايمان، الايمان بالفكرة، بالهدف، بالبيزنس، او اي حاجه تانية حابب تتميز فيها.  

مروان نصار هو رائد أعمال مصري، بجانب دراسة الجيولوجيا و العمل كمهندس جيولوجي لأكثر من 15 سنة في مجال البترول،  مروان درس علم النفس الإيجابي لأكتر من 14 سنة، و دا ساعده انه يبدأ شركته بهدف مساعدة رواد و أصحاب الأعمال.  

ساعد مروان العديد من الشركات على رفع نقاط قوتهم وتوضيح رسالتهم لبناء حياة مهنية يستحقونها، عمل مروان مع مجموعة متنوعة من الشركات، بدءًا من شركات Fortune 100 مثل Royal Dutch Shell و Toyota ، إلى مئات الشركات الصغيرة في جميع أنحاء الشرق الأوسط وأوروبا والولايات المتحدة.  

بودكاست مفيد جدا مع م. نهاد سيد و حديث شيق عن إدارة المشروعات و إدارة المخاطر و إدارة الموارد للشركات الناشئة، اتكلمنا عن إدارة توقعات العميل و عملية انتاج السوفت وير و منهجية إدارة المشروع و الفرق بين تقديم المنتج و الخدمة.   

م. نهاد سيد تعمل في مجال البرمجيات و تكنولوجيا المعلومات بخبرة لأكثر من 20 سنة، مستشار إدارة المشروعات و ماجستير إدارة الأعمال، عملت كمستشار و مدرب إدارة المشروعات مع شركات في مصر و دول الخليج بالإضافة الي خبراتها الرائدة في مجال التحول الرقمي.  

بودكاست مهم عن جولات الاستثمار و الشركات الناشئة و ازاي تحصل علي تمويل استثماري لشركتك، اتكلمنا مع عز الدين اسامة عن مواضيع مختلفة; التوقيت المناسب للحصول علي تمويل، المستثمر بيدور علي ايه في الشركة، ازاي اتعرف علي مستثمرين، و الأهم تصحيح مفهوم التمويل و ان الفلوس هي وسيلة لتحقيق أهداف و ليست هدف بذاته.  

عز الدين اسامة متخصص في مجال تحليل البيانات و الاستثمارات في الشركات الناشئة، علي مدار الفترة السابقة قدر يساعد شركات ناشئة في التجهيز و الحصول علي جولات استثمارية، عز الدين اسامه حاصل علي درجة جامعية في مجال الهندسة الكهربائية و الميكانيكية من جامعة الاسكندرية و مهتم بعلوم البيانات.  

بودكاست مع مي سلامه عن البيزنس و ازاي تبقي مبدع في مجالك أيا كان ايه، اتكلمنا عن البيزنس و عن قمة صناعة الإبداع Creative Industry Summit، البداية و الفكرة و المشوار من 2014 للنهارده، و الأهم ازاي ان كل واحد مننا عنده منجم دهب و طاقة ابداعية مبهرة.  

مي سلامه هي المؤسس المشارك لـ The Worx الشركة المنظمة لقمة صناعة الإبداع Creative Industry Summit،  بالإضافة الي أحداث و فعاليات أخري في مصر و الشرق الأوسط، مي عندها خبرة طويلة في مجال الميديا و الإعلان في مصر لأكتر من 10 سنوات.  

حلقة جديدة من بيربل كاست و ضيف حلقتنا كريم العيني، اتكلمنا معاه عن رحلته علي مدار 15 سنة من المبيعات للسوشيال ميديا لتأسيس شركة دعاية و اعلان و بناء فرق عمل ناجح، عن مهارات بناء و تكوين فريق عمل يساعدك و يحرك شركتك لقدام، عن البيزنس و ريادة الأعمال و ازاي تبدأ رحلتك في مجال الديجيتال ماركتنج.

كريم العيني هو مؤسس شركة Zee Advertising شركة مصرية متخصصة في تقديم حلول الدعاية و السوشيال ميديا و الاعلان للشركات، بكالوريوس ادارة الأعمال و علوم الادارة، اشتغل في أمازون لأكتر من خمس سنوات، و أيضا مؤسس Roots Watches.

تأسيس شركة استشارات في الولايات المتحدة، رحلة طويلة و خبرات لأكتر من 20 سنة، اتكلمنا عن البيزنس، و ازاي ابدأ بيزنس صغير، ازاي اتعامل مع الرفض، و دعم الأهل في مشوار ريادة الأعمال.

جاسمين سامي هي شريك مؤسس لشركة واشنطن للتنمية الدولية و الاستشارات في الولايات المتحدة، ماجستير في القانونن متخصصة في التنمية الدولة، و شريك مؤسس لأكاديمية Shadow Squash Academy لتعليم الاسكواش في مصر.  

بودكاست مميز عن مفهوم النجاح و الشغف و البيزنس و امتي أقول لاء مع د.حنان الباشا، كتير مننا بيقف للحظات يسأل أنا هنا ليه، و هل دا فعلا اللي أنا عايزه ولا لاء، اتكلمنا عن ريادة الأعمال و الاستثمارات و توقعات رائد الأعمال و مفهوم النجاح في البيزنس، حلقة مميزة جدا هتغير مفهومك عن أمور كتير اتقالنا انها صح.  

د.حنان الباشا هي مؤسسة "The Business Doctor"، حاصلة علي دكتوراة في إدارة الأعمال و متخصصة في التنمية المستدامة للشركات الصغيرة و المتوسطة، ماجستير التسويق و مستشار معتمد للشركات، لديها شهادة معتمدة في التدريب الصحي للتغذية، و خبرة لأكتر من 25 سنة في عالم ريادة الأعمال، و عضو في المنتدي العالمي للاستثمار الملائكي.

بودكاست مع أ/ وسلي عادل حبيب عن أنواع الشركات و الضرائب و العلامة التجارية و تسجيل موقع الكتروني، اتكلمنا عن تأسيس الشركات و ازاي أختار نوع الشركة المناسب للنشاط، اتفاقية عدم الإفصاح، العلامات التجارية و العقود، و شروط تسجيل موقع الكتروني للشركات و المؤسسات.   المستشار وسلي عادل حبيب مؤسس مكتب Wesly Law Offic 

و هو محامي بالاستئناف العالي لتأسيس الشركات و المحاماة و الاستشارات القانونية و العقارية و الاستثمارية، مستشار القانونى للعديد من الشركات العاملة فى مجالات التكنولوجيا و التجارة و النقل و وغيرهم،   

عن تأسيس الشركات و أنواعها و الضرائب في مصر و وضع الفريلانسرز و العمل أون لاين، حوار مع المحاسب القانوني أ/ ماهر جاد، و ازاي ممكن تأسس شركتك و تكبرها و تحافظ علي الإلتزامات و تفهم الأساسيات القانونية و المحاسبية للبيزنس.  

هدفنا دايما في حلقات البودكاست اننا نقدم المساعدة لحد عنده فكرة و عايز يبدأ بيزنس، الحلقة دي مهمة جدا خصوصا لو إنك مقبل علي تسجيل بيزنس جديد، فتح مشروع، او عندك أسئلة تخص أنواع الشركات و الضرائب و قانون المشروعات الصغيرة و المتوسطة.

حوار مع ديجيتال ماركتير محمد ناصر، بيكلمنا عن الاعلانات و السوشيال ميديا، و ازاي تأسس براند ناجح علي الإنترنت، محمد ناصر اشتغل في شركات كبيرة و أدار حملات اعلانية بأرقام كبيرة، في البودكاست، حاولنا نستفيد من خبرته في الديجيتال ماركتنج و ازاي تبدأ علي السوشيال ميديا للبيزنس بتاعك.

حوار مع د. نهال القشيري عن روتين الشغل من البيت، الرياضة و الصحة، و التغذية السليمة للحفاظ النشاط و التركيز علي مدار اليوم، اتكلمنا كمان عن القهوة، العادات و الارتباط العاطفي بالقهوة، و الأهم ان د. نهال شاركتنا رحلتها في انها تبدأ بيزنس..  

د. نهال القشيري، أخصائية التغذية العلاجية المعتمدة من كندا، مدربة صحية، و حاصلة علي درجة الماجستير لكلية طب الفم الأسنان بجامعة عين شمس، و حاصلة علي دبلومة البرمجة اللغوية العصبية المعتمدة، عملت مع أكثر من 600 عميلًا ومتخصصة في حالات فقدان الوزن، وقصور الغدة الدرقية، والقولون العصبي، حساسية اللبن و الأمراض المناعية.

Squad 101 مشوار نجاح مع محمد فتحي طاهر، مؤسس فرقة ١٠١ و هو منتجع معسكر فاخر، يقدم تجربة غنية ذو مستوي عالمي للصحة واللياقة البدنية للأشخاص الذين يرغبون في تحقيق تحول صحي شامل لعقولهم وأجسامهم وحياتهم.  

حوار ممتع مع محمد طاهر، مؤسس كامب فرقة ١٠١ بيتكلم عن تجربته و و مشوار نجاحه بداية من الفكرة و محاولات تننفيذ و إنجاح الفكرة، مشروع جميل و شخص أجمل تسمع منه و تتعلم عن أهم المهارات اللي انتا محتاجها في حياتك اليومية لإنجاح مشروعك.