18

في الحلقة المميزة جدا دي (على الأقل بالنسبالي) بتكلم مع إسلام محمد … أخويا بنتكلم بشكل ودي عن الاكتئاب والحس الفكاهي واللطف الكلام ده (مع الكثير من الضحك في أول وآخر الحلقة) تقدر تتواصل معايا من خلال موقعي الشخصي وتقدر كمان تتواصل مع إسلام لو حابب تسأله في أي حاجة من خلال حسابه الشخصي على فيسبوك ياريت لو الحلقة عجبتك تسيب ريفيو أو تقييم للبودكاست :)

أهلا بيكو في الموسم التاني من بودكاست 18 واللي حبيت ابدأه بشكل جديد تماما واجرب فيه حاجات كتير زي نوع الموسيقى وعمق المواضيع وطبعا نوع المحتوى واللي هتلاحظ انه اختلف شوية لأني حاليا بعمل سلسلة من الحلقات تحت وثائقي واحد بيتكلم عن حياة الكبار من منظوري كشخص عنده 18 سنة أتمنى المقدمة دي تعجبك وهستنى رأيك بكل حماس  الموقع الشخصي

أهلا بيكو في حلقة جديدة، هتكلم في الحلقة دي عن سلبيات الشات والتواصل عبر تطبيقات الشات عموما لو الحلقة عجبتك متنساش تسيب ريفيو وتقييم للبودكاست شكرا وأتمنى الحلقة فعلا تعجبك

أهلا بيكو في بودكاست 18 في الحلقة دي هتكلم عن تجربتي مع الوحدة وهل ليها تأثير إيجابي ولا سلبي على الشخص اللي بيعيشها بتكلم عن ميزات الوحدة وشوية حاجات ليها علاقة بالوحدة أتمنى الحلقة تعجبكو

أهلا بيكو في الحلقة الثالثة من بودكاست 18، في الحلقة دي هستضيف البشمهندس أحمد حسام وهو مبرمج مختص بالفرونت إند وطالب في كلية حاسبات و Top rated freelancer on Upwork تقدر تتابع أحمد حسام على فيسبوك من هنا (وهتلاقي كل حساباته على السوشيال هناك) https://www.facebook.com/AhmedHossam6031 أتمنى ان الحلقة تعجبكو

في الحلقة دي هتكلم عن تعدد الاهتمامات وتجربتي الشخصية معاه. ازاي ضيع من عمري ٣ سنين من غير ما أوصل لأي حاجة وازاي ممكن انت كمان تقع في الفخ ده. بتمنى ان الحلقة تعجبكو، وزي كل مرة لو حابب تكون ضيف معايا في البودكاست ياريت تتواصل معايا وهبقى سعيد جدا بحاجة زي كده.

أهلا بيك في أول حلقة من بودكاست 18، البودكاست اللي بيوصلك من واحد عنده 18 سنة وغالبا انت كمان عندك 18 سنة فيعني قمة التوافق. في الحلقة دي بحاول اتكلم عن مفهوم الإنتاجية السامة وأثرها على حياتي، مش بعرض حلول لكن بدردش شوية.