#комкаст - media and marketing podcast

Кога зборуваме за дигитална трансформација често напоменуваме дека луѓето во оранизацијата се клучен фактор за успешната трансформација.  

Токму за процесите на промена внатре во компанијата, за развојот и одржувањето на организациската култура и секако за развојот на кариерните патишта во оваа епизода на #комкаст зборуваме со Ивана Дојчиновска Стојановиќ

Во седмата по ред епизода на #комкаст посветена на дигиталната трансфорамција зборуваме за 5G како технологија. Со Маја Милосавлевска Наумовска од А1 Македонија дискутираме за митовите поврзани со 5G, за карактеристиките и предностите на самата технологија но најмногу за можностите кои таа ги отвара во поглед на развој на голем број нови услуги и сервиси во различни индустрии. 

Во шестата последователна комкаст епизода посеветена на дигиталната трансформација изнесуваме на виделина неколку помалку и повеќе очиглени митови поврзани се разбира со дигиталната трансформација.   

Секако, штом се митови значи дека се побиени и дека не се точни тврдењата, но и покрај тоа нив одново и одново ги сретнуваме во секојдневната работа. Токму затоа има потреба одново и одново да се повторуваат и да се посочуваат за да може да се очекува соодветна промена.

Иван Скендер е човекот одоговорен за спроведување на дигиталната трансформација во А1 Македонија и А1 Хрватска. Разговаравме за предизвиците, искуствата, препреките со кои се соочуваат но и за методите и пристапот во трансфорамцијата. Допревме малку технологија, малку HR или човечки односи, малку agile менаџмент... и ред други теми.

А за што друго би зборувал со Гораст ако не за гејминг и Game Fest и целата култура и трансформација која низ годините наназад се случува. Зборувавме за лични перцепции и искуства, за влијанието на оваа култура на остатаниот дел од опкружување и на крај секако малку и за децата и играњето, неизбежно беше.

Уште во воведната епизода на серијалов посветен на дигитална транфорамција зборував колку е важен стратешкиот пристап кон собирање и управување со податоците. Во денешната епизода со Мартина Наумовска зборуваме токму за улогата на податоците во рамки на самата трансформација на работењето на една организација. Мартина е првата жена Data Scientist која влегла во претприемачките води во Македонија, еден од основачите на Data Masters и Data Masters академијата.

Како е да се биде од другата страна, кога корисникот бара да му се посвети внимание или реши проблем? Како се менуваа каналите за комуникација со корисниците, колку време е дозволено за решавање на проблем, како е да те замени вештачка интелигенција, што не може да работи робот? На овие и многу други прашања одговара Борче Ѓорѓески од А1 Македонија, човекот кој, најверојатно, има подебела кожа од сите нас заедно...

Најавивме серија на епизоди кои ќе бидат посветени на дигиталната трансформација, ама ред е за почеток да се обидеме да дадеме вовед, дефиниции, рамки за да знаеме за што зборуваме. Во првата епизода од овој серијал се обидувам да ги врзам кафанските муабети со серзиони теми кои секако не се неспоиви, ама си носат свој предизвик.

Во воведната епизода ќе слушнете:

• дефиниции за дигитална трансформaција,
• основни елементи на дигитална трансформација
• фази на трансформација
• фокус на коринсикот и корисничкото искуство
• зошто дигиталните маркетери се мешаат во дигитална трансфорамција

Пред неколку месеци со А1 Македонија започнавме убав муабет околу подкасти, локална понуда и сл. и после неколку (онлајн) состаноци и меилови... работите станаа поконкнретни. Се интензивираа работите и конечно денес ја имам честа да ја најавам новата сезона (иако напуштивме броење на сезони пред две години па затоа некаде може и ќе ја викам серија) на #комкаст.

Одлуката околу содржината беше прилично лесна. Дигитална трансформација. Долги години сме активен дел од неа, од повеќе страни а тоа е и тема со која А1 Македонија можеше многу лесно да се поврзе, ќе слушнете во некои од епизодите и зошто.

Тоа е, #комкаст, партнерски со А1 Македонија, 10 нови епизоди, скеој четврток. Од сега па до февруари 2022. Повеќе детали во најавата и прва епизода во четврток на твојата омилена аудио платформа, YouTube или тука на блог.

Кога ќе се обидеш да размениш искуство пред камера со некој кој, ако не повеќе барем, еднакво зборува како мене не е лесен предизвик. Се обидувавме со Ико долго време да најдеме поконкретна тема за муабет за да не си се жалиме само јавно, тоа секако го правиме често... Еден негов статус за потррага по нов вработен во Групер ме инспирираше да ја отворам темата за вработување, градењеи пронаоѓање на соодветен кадар за работа во нашва индустрија т.е. дигитален маркетинг.

Ако ја слушнеш, или гледаш епизодава ќе слушнеш за различни искуства за пристап на работодавачи, вработени, менаџери и сл. во поглед на развојот на кариерниот пат на дигиталците. Фокусот е на локалната ситуација и предизвици кои постојат од двете страни. Се обидовме да ги согледаме сите акспекти на темата, објективно.

Успеавме ли добро да ја отвориме темата?

Има теми на кои едноставно уживам да зборувам, дискутирам, да се надградуваме и да бидам предизвикан со моите ставови. Улогата на алгоритми е една од тие теми. Сум спремал презентации, сум пишувал текстови и на периоди многу читам на темата алгоритми и нивната улога во општеството. Токму на оваа тема или овие теми во 103 издание на #комкаст разговарам со Игор Трајковски, умот кој стои за time.mk

Улогата на алгоритмите во денешниот дигитален свет е навистина многу важна и тука не мислам на алгоритмите на социјалните мрежи туку на бројни други примени кои директно имаат влијание на судбините на милиони луѓе ширум светот. Токму за развојот на овие системи и за предизвиците со кои се соочуваат денес дискутираме во оваа епизода. Јас навистина уживав, се надевам ќе уживаш и ти.

По пауза од скоро еден месец, се враќаме со нова епизода на #комкаст во која во соло издание се обидувам да отворам неколку различни дискусии. Инспирацијата е актуелнaта битка на социјалните медиуми за пол позиција во иднината, задржување на доминацијата, или воопшто зачувување на својата релевантност. Фокусот, по воведот е на Instagram затоа што премногу нови работи се случуваат таму и некако мислам дека заслужува внимание.

Ги замолив колегите да ги споделат своите искуства со Instagram и да посочат кои работи им се релевантни за поголем успех таму, баш во овој период. Фала на Симона, Давид, Наташа и Тина.

Во епизодата како што веќе најавив ќе слушнете за:

• Борба на социјалните медиуми
• Некои од новитетите на Instagram
• Совети за објавување на Instagram
• Стратегијата која стои зад вашиот Instagram настап
• Кое време треба да објавувате

Во епизодата неколку пати повикувам да споделите искуство…. па еве и тука да повторам. Пишете ми ги вашите совети за успешност на Instagram, што вас ви поминува што не ви поминува периодов?

Потајно се надевав дека ќе успеам во една епизода да ги соберам сите кои на еден или друг начин низ изминативе 10 години биле во улога на домаќини на #комкаст. Скоро и да успеав, собрав четворица од вкупно 5 на таа листа. Петтиот задоцни со својата реакција неколку дена :).

Јубилејнава 100. епизода со Сеад, Мите и Дарјан правиме ретроспектива, секој од своја гледна точка, секако низ најлегендарните моменти на овој поткаст.

10 години и 100 епизоди, е прилично лош просек, ама ми се чини дека конечно ја надинуваме периодичноста и влегуваме повторно во јак ритам како оној на самиот почеток. Пу пу да не урочам.

Ние се забавуваме еден час, се потсетивме на некои важни епизоди и искуства и се потапкавме по рамо за тоа што сме го дискутирале и постигнале изминативе годни. Во исто време отворивме и доста интересни теми за кои допрва треба да се зборува, пред се во #комкаст, но и општо...

Ако уживате во овој час, барем половина од нас, супер ќе ви биде. И да, знам, многу сме јаки, не мора да не тапкате по рамо и вие :D

Ајде па побзо да ни дојде нова стотка...

Во новата, 89-та епизода по ред на #комкаст разговарам со Ана Г. од Студио модерна, компанијата која стои за брендовите како што се Топ Шоп, Дормео, Делимано, Homeology и други.

Со Ана разговараме за почетоците на нивната компанија во полето на дигитален маркетинг, за фокусот на содржина и секако за мерење на продажбата. Зборувавме за улогата и ефективноста на различните дигитални канали, за продажбата во директна комуникација, преку пораки во чет, за стримањето во живо но, на кратко продискутиравме и за сличностите и разликите на нашиот пазар со останатите во регионот.

Содржина:
00:00 - За почетоците
04:10 - Улогата на содржината во маркетингот
10:20 - Канали за комуникација
14:35 - Chat Commerce
22:00 - Black Friday и display рекламирање
28:35 - За растот и развојот на пазарот
35:32 - Live streaming
44:00 - Сличности со другите пазари

Во новата епизода на #комкаст Дарко Булдиоски и Сеад Џигал дискутираат за дилемите и дискусиите кои ги отвори документарниот филм The Social Dilemma оригинално обајвен на Netflix. 

Тема на дискусија е самиот документарен филм, критиките кои иницијално ги доби и секако критиките на критиките. Секако се  продускутира и рекацијата на самиот Facebook. 

Во оваа епизода се обидуваме малку да го осветлиме патот кон невидливата страна на комуникацијата на социјалните медиуми, онаа која е тешко достапна преку алатките за аналитика.

Dark Social за прв пат се појавува како термин во текстот на еден од уредниците на The Atlantic и во основа има малку податоци за овој сегмент од комуникацијата. Најчесто податоците кои се цитираат доаѓаат од едно исти истражување, малку постаро, иако има и некои понови извори но по се изгледа не им се придава преголемо внимание во маркетинг светот.

Како и да е, постојат неколку основни работи кои може да ги преземете за да го намалите бројот на непознати посетители на вашиот вебсајт, но темата е доста поголема од тоа.

Во првата епизода од оваа нова сезина на #комкаст зборуваме за улогата на маркетинг тимот, или луѓето во развојот и унапредувањето на корпоративниот (добро де, компанискиот) вебсајт. Предизвик со кој секојдневно се соочваме веќе години наназад, што низ работата, што низ предавањата кои ги држиме во различни ситуации јас и Дарјан.

Оваа епизода со Митко започнавме муабет за Instant Articles, вклучивме 360° видео стрим во живо преку hugvr.com и се префрливме со муабетот за виртуелната реалност, нејзиниот потенцијал и можностите за крајните корисници да креираат содржина наменета за гледање со специјалните VR уреди. На крај малку позборувавме и за hitit.digital и за фактот дека AdWords сеуште не е доволно атрактивен за Македонија.

Овој #комкаст имаше нов ко-домаќин. Гостин беше нашиот пријател Никола Спасов (@NikolasTweets) од истражувачката агенција Рејтинг. Никола беше тука како компетентна личност да објасни како Google ги користи своите податоци да ги предвиди претседателските избори во САД, и ред други теми.

Оваа недела во отсуство на Митко, новиот официјален МК блогер поддржан од Coca-Cola, повратник во #комкаст беше Мите Кузевски со кого зборувавме на неколку различни теми. Малку повеќе се задржавме на виртуелната реалност, осносно за Vtime, друштвена мрежа за VR корисници, малку зборувавме и за Snapchat и за првите оригинални серии за Apple TV.

Во оваа епизода целсоно се дискутираше за новините најавени на последната F8 конференција на Facebook каде тие го најавија својот десетгодишен план кој вклучува многу нови технологии – од чет ботови до камери кои снимаат 360 степени и секако виртуелна реалност. Оваа епизода домаќини се Mитко и Теди Пејоски од G6 како и ги дискутираат сите новитети на Facebook.

Од оваа епизода на #комкаст зборувавме на повеќе различни теми, како што може и да видиш по линковите надолу, но ја издвојуваме онаа за Insgtram и неговиот значителен пад на интеракции што доведува до логичниот потег за промена на начинот на кој ќе се прикажуваат сликите во стримот. Односно ќе се воведе алгоритам врз основа на кој нема да ги гледаме сите слики во фид туку ќе ни се прикажуваат тие кои ние сакаме да ги видиме, или барем тие така мислат :)