LARETANDO

O 17 de novembro entregáronse os premios Paraugas de comunicación, marketing e deseño e nós quixemos conversar, xunto cos rapaces de Zapatillas, con algúns dos premiados e finalistas desta cita tan importante para o sector. E fixémolo por todo o alto cun podcast presencial gravado na Coruña onde, ademais de falar de redes sociais e do mundo da publicidade, tamén lle fixemos un exame sorpresa ao público para saber se estudaron o tema. A que esperas para darlle ao 'clic''?

TikToker, Twitcheira e mariñeira. Merce, coñecida como Totakeki nas redes, é a nosa seguinte convidada ao podcast! No seu episodio falamos do seu traballo de mariñeira, da súa gran afección polo Dépor e o eterno pique co Celta e do verdadeiro protagonista do seu perfil, 'el suegro'. Non o perdades porque é un episodio moi interesante!

A cantos nos morren as plantas e non sabemos por que? Pois neste episodio falamos con Clara Redondo, máis coñecida como @plantitiscronica, unha experta no coidado das plantas que nos falou, entre outros temas, de errores consellos ou mitos arredor destes vexetais.

Se dicimos que o noso convidado é Borxa igual non vos soa moito, pero se engadimos que é o creador de Orgullo Galego seguro que si.

E é que esta conta é a comunidade en galego máis grande da rede e os seus contidos son compartidos por miles de persoas. No seu episodio falamos de temas como a liorta dos medios tradicionais coas redes, de ser nefalantes ou do consumo de contido en galego por parte da mocidade. Non o perdades!

Virtudes é a gran personaxe de TikTok e nós tivemos neste episodio o placer de poder falar ca persoa que está detrás deste éxito, María Foscaldo -meryfos-.

Con ela falamos en profundidade desta personaxe e de todo a que a rodea, tamén tocamos o seu soño frustrado de ser presentadora de televisión - cunha moral final moi importante- e tamén puxemos unha serie de exemplos de persoas repunantes que nos poñen dos nervios.

Presentado por: Patri Otero

Cámara e montaxe de vídeo: Gabriela Prada

"Esa é a dos vlogs non,?". Pois si, Sara Seco, coñecida en TikTok por mostrar o seu día a día, é a nosa seguinte convidada a Laretando. Con ela analizamos en profundidade os seus contidos, falamos das súas rutinas de beleza, de próximas receitas que veremos na súa canle ou das súas colaboracións con grandes marcas. Non o perdas!

Quen non coñece os famosos vídeos de Gabi de 'No resto de España.... en Galicia'? Este roiense é o noso séptimo convidado a Laretando. Coñecido en TikTok polas súas parodias e os seus particulares vídeos de identidade galega, acumula unha comunidade de máis de 70.000 seguidores en dita plataforma e máis de 60.000 en Instagram. Con el falamos da educación infantil, do seu famoso 'Furnacho das Tentacións' e de todo o relacionado co mundo 'fitness', no que el está 'a tope'.

Fátima Barros, coñecida como @recunchomedico nas redes é a nosa sexta convidada a Laretando! Esta estudante de sexto de medicina conseguiu crear unha comunidade que se interesa por temas médicos e científicos e en galego.

No episodio falamos de temas como os estudos e a ABAU, as especialidades de medicina, o galego na ciencia ou de saúde mental. Non o perdas!

No quinto episodio de Laretando traemos a Laura Franco, unha tiktoker coñecida na plataforma polas súas reflexións sobre temas como a homofobia ou o machismo, pero sempre con doses de humor e de retranca galega. No capítulo démoslle visibilidade ao trastorno de ansiedade que ela padece, que vai máis alá de momentos de angustia e tamén falamos de ser xeroculturtora e a mala fama que ten esta profesión. E como non, xa que Laura está embarazada, tamén desromantizamos este proceso que, normalmente, se tende a idealizar.

Despois das eleccións do 28M e do 23X tiñamos que falar de política si ou si. E para iso contamos con Iván Iglesias, directorer de OuKé!, un medio emerxente especializado na política de Ourense que nos deu unha visión xeral do panorama político ourensá, galego e español. ¡Non o perdades!

Que gran episodio nos quedou con Leti! Esta muller afincada en Santiago é unhas das caras máis visibles da creación de contidos en galego e en Laretando falamos de tantos temas que non me dá este espazo para mencionalos todos. Destacamos sobre todo a valorización das tabernas e da profesión se sociosanitario e os problemas adolescentes e de baixa autoestima aos que Leti se tivo en enfrontar.

Neste segundo episodio traemos a unha grandes das redes, e é que Paula (@blondiemuser) é unha creadora de contido das Pontes que conta con case dous millóns de seguidores en TikTok e máis de 35.000 en Instagram. Case nada!

Os seus contidos tratan sobre todo de sostibilidade e medio ambiente, pero nós neste pódcast imos máis alá e tamén falamos doutros temas igual de importantes como os comentarios negativos que recibe en redes, o galego ou de relacións tóxicas. Variedade hai sen dúbida!

No noso primeiro episodio temos a Mario Brión, máis coñecido en redes como @olaxonmario, un gran comunicador galego e unha gran persoa coa que pasamos un moi bo rato e coa que falamos dos seus inicios nas redes, do seu pódcast e de ser de Boiro, de deporte e tamén dos Premios Mestre Mateo, aos que estivo nomeado este ano como mellor comunicador.

Ah! E como non, tamén había que soltar algunha que outra pulla -Esther Estévez prepárate- que a nós o que nos interesa é o salseo e xa vos aviso que neste episodio hai moooito diso.

Presentado por: Patri Otero

Cámara e montaxe de vídeo: Gabriela Prada

Que é isto de Laretando? Pois o teu podcast de confianza para coñecer aos creadores de contido galegos. Gratis, con tías chulísimas e en galego. Que máis se pode pedir? :)