RADIO LUCA | റേ‍ഡിയോ ലൂക്ക

ജീനോമിക്സ് രംഗത്തെ വിദഗ്ധയായ ഡോ. ബിനുജ വർമ്മയുമായി ഡോ. ഡാലി ഡേവിസ് സംസാരിക്കുന്നത് കേൾക്കൂ...ലൂക്ക ഗ്രിഗർ മെൻഡൽ ജന്മശതാബ്ദി പരിപാടികളുടെ ഭാഗമായുള്ള സംഭാഷണം

ജനിതക വിളകളുടെ ഭാവിയെന്താണ്? Future of GM Crops

ഗ്രിഗർ മെൻഡലിന്റെ ഇരുനൂറാം ജന്മശതാബ്ദിയിൽ ലൂക്ക ചർച്ച ചെയ്യുന്നു. ഇതിൽ പങ്കെടുക്കുന്നത് ഈ രംഗത്തു വ്യക്തിമുദ്ര പതിപ്പിച്ച ഗവേഷകനായ ഡോ കെ കെ നാരായണനും ഗ്രീൻപീസിൽ പത്തു വർഷത്തോളം സുസ്ഥിര കൃഷിയുടെ മേഖലയിൽ പ്രവർത്തിച്ച രാജേഷ് കൃഷ്ണനുമാണ്. ഒരു വിഷയത്തിന്റെ ഏതാണ്ട് രണ്ടു വിരുദ്ധ ധ്രുവങ്ങളിലുള്ള രണ്ടു പേരുമായി സംസാരിക്കുന്നത് ഡോ കെ പി അരവിന്ദൻ 

ഡോ വി രാമൻകുട്ടിയും ജി സാജനും ചർച്ചയിൽ ഇടയ്ക്ക് ചേരുന്നു...ശാസ്ത്രവും സാങ്കേതിക വിദ്യയും സമൂഹവും തമ്മിലുള്ള സങ്കീർണമായ ബന്ധങ്ങളെക്കുറിച്ചു ലൂക്കയും സയൻസ് കേരളയും നടത്തുന്ന തുടർ ചർച്ചകളുടെ ഭാഗമാണിത്.. നിഗമനങ്ങളിൽ എത്തിച്ചേരാൻ സഹായിക്കുക എന്നതാണ് ഈ പരമ്പരകളുടെ ലക്ഷ്യം.

കാണുകയും പ്രചരിപ്പിക്കുകയും നിങ്ങളുടെ അഭിപ്രായങ്ങൾ രേഖപ്പെടുത്തുകയും ചെയ്യുമല്ലോ 

What is the future of GM crops

Luca initiates a debate on the future of research and field application of GM crops. The debate is joined by Dr K K Narayanan renowned researcher and Rajesh krishna who has been campaigning for a GM free India. The debate is led by Dr K P Aravindan

കോവിഡ് ഇന്ന് കേരളത്തിൽ അതിരൂക്ഷമായി പടരുകയാണ്. വ്യക്തി എന്ന നിലയിലും സമൂഹം എന്ന നിലയിലും നാമെന്ത് ചെയ്യണം ?  ഡോ.ടി.എസ്.അനീഷ്  (അസോസിയേറ്റ് പ്രൊഫസർ, കമ്യൂണിറ്റി മെഡിസിൻ, തിരുവന്തപുരം മെഡിക്കൽ കോളേജ്‌) സംസാരിക്കുന്നു. റേഡിയോ ലൂക്കയിൽ കേൾക്കാം.

കെ റെയിൽ ആണല്ലോ ഇപ്പൊൾ നമ്മുടെ ചർച്ചകളിൽ നിറഞ്ഞ് നിൽക്കുന്നത്. പൊതു ഗതാഗത സംവിധാനം എന്ന നിലയിൽ തുടങ്ങി കേരള മോഡലിന്റെ പുതിയ കാലത്തെ തുടർച്ച എന്ന നിലയിൽ വരെ ഈ പ്രോജക്ട് അനുകൂലിക്കപ്പെടുകയും വിമർശിക്കപ്പെടുകയും ചെയ്യുന്നുണ്ട്. കേരളത്തിൽ വലിയ രീതിയിൽ മാറ്റങ്ങൾ കൊണ്ടുവരാൻ കഴിയുന്ന ഒരു പദ്ധതിയാണ് കെ റെയിൽ. എന്നാൽ ഈ മാറ്റങ്ങൾ ഗുണപരമാവുമോ ?, ഗുണങ്ങൾ ആർക്കൊക്കെ ലഭിക്കും ?, എന്നെല്ലാം ഉള്ള ചില കാഴ്ചപ്പാടുകൾ നമ്മളോട് പങ്ക് വെക്കുകയാണ് ശ്രീ ടി.കെ. ദേവരാജൻ. ആദ്യ ഭാഗത്തെ സംഭാഷണം ഒരു ഗതാഗത മാർഗ്ഗം എന്ന നിലയിൽ നോക്കുമ്പോൾ കെ റെയിൽ ഉയർത്തുന്ന ചോദ്യങ്ങൾ എന്തൊക്കെയാണ് എന്നതാണ്. ഈ സംഭാഷണം ഇപ്പൊൾ നടക്കുന്ന ചർച്ചകളെ മുന്നോട്ട് നയിക്കാൻ ഉതകുന്ന പലതും നമ്മുടെ മുന്നിൽ തുറന്നു വെക്കുന്നു.  ജി.സാജൻ, ഡോ.ഡാലി ഡേവിസ്, രാജേഷ് പരമേശ്വരൻ എന്നിവർ ചർച്ച നയിക്കുന്നു.

കേൾക്കാം

പ്രൊഫ.കെ.പാപ്പൂട്ടി എഴുതുന്ന ശാസ്ത്രനോവൽ തക്കുടു വിദൂരഗ്രഹത്തിൽ നിന്നൊരു സഞ്ചാരി. ഇരുപത്തിയഞ്ചാം അധ്യായം. എല്ലാ ശനിയാഴ്ചയും നോവൽ വായിക്കുകയും കേൾക്കുകയും ചെയ്യാം. അവതരണം : ഇ.എൻ.ഷീജ, ചിത്രീകരണം : റോഷൻ

പ്രൊഫ.കെ.പാപ്പൂട്ടി എഴുതുന്ന ശാസ്ത്രനോവൽ പതിമൂന്നാം അധ്യായം. എല്ലാ ശനിയാഴ്ചയും നോവൽ വായിക്കുകയും കേൾക്കുകയും ചെയ്യാം. അവതരണം : ഇ.എൻ.ഷീജ, ചിത്രീകരണം : റോഷൻ

പ്രൊഫ.കെ.പാപ്പൂട്ടി എഴുതുന്ന ശാസ്ത്രനോവൽ പന്ത്രണ്ടാം അധ്യായം. എല്ലാ ശനിയാഴ്ചയും നോവൽ വായിക്കുകയും കേൾക്കുകയും ചെയ്യാം. അവതരണം : ഇ.എൻ.ഷീജ, ചിത്രീകരണം : റോഷൻ

കേരള ശാസ്ത്രസാഹിത്യ പരിഷത്തിനെ സംബന്ധിച്ച് വജ്രജൂബിലി വർഷം ഒരു വിലയിരുത്തൽ വർഷം കൂടിയാണ്. കേരള സമൂഹത്തെ ശാസ്ത്രവത്കരിക്കാനും ജനാധിപത്യവത്കരിക്കാനും നടത്തിയ ശ്രമങ്ങളെ അതിന്റെ പൂർണ്ണവ്യാപ്തിയിൽ നിഷ്കൃഷ്ഠമായി പരിശോധിക്കാനുള്ള അവസരമാണ്. ഏറ്റെടുത്ത വ്യത്യസ്തമായ ഒട്ടനവധി പ്രവർത്തനങ്ങളിലൂടെ സംഘടനയെയും പൊതുസമൂഹത്തെയും ആത്മവിശ്വാസംകൊണ്ടു നിറയ്ക്കാനും ഉത്സാഹഭരിതമാക്കാനും തീർച്ചയായും ആറുപതിറ്റാണ്ടിന്റെ അനുഭവസമ്പത്തിന് കഴിയും... പരിഷത്തിനെ ജനകീയശാസ്ത്രപ്രസ്ഥാനമാക്കി മാറ്റുന്നതിൽ നേതൃപരമായ പങ്കുവഹിച്ച കെ.കെ.കൃഷ്ണകുമാർ സംസാരിക്കുന്നു...

പ്രൊഫ.കെ.പാപ്പൂട്ടി എഴുതുന്ന ശാസ്ത്രനോവൽ തക്കുടു. ഒമ്പതാം അധ്യായം. എല്ലാ ശനിയാഴ്ചയും നോവൽ വായിക്കുകയും കേൾക്കുകയും ചെയ്യാം. അവതരണം : ഇ.എൻ.ഷീജ, ചിത്രീകരണം : റോഷൻ

കോവിഡ് മഹാമാരിയുടെ കാലത്ത് സംഭവിച്ച ശ്രദ്ധേയമായ കാര്യങ്ങളിൽ ഒന്ന് രോഗം സംബന്ധിച്ചുള്ള കണക്കുകൾ നേടിയ പൊതുശ്രദ്ധയാണ്. രോഗബാധിതർ എത്ര, മരണങ്ങൾ എത്ര, ഏത് പ്രായത്തിലുള്ളവരെ രോഗം ഗുരുതരമായി ബാധിക്കുന്നു, വിവിധ രാജ്യങ്ങളിലെ രോഗവ്യാപനനിരക്ക് എത്ര എന്നിങ്ങനെ പല കണക്കുകളും വലിയ രീതിയിൽ ചർച്ചാ വിഷയമായി. ലോക്ക്ഡൗൺ ചെയ്യുന്നതും തുറക്കുന്നതും എല്ലാം രോഗത്തിന്റെ നിലവിലുള്ള അവസ്ഥയെ അടിസ്ഥനപ്പെടുത്തിയായതുകൊണ്ട് ഈ ജനശ്രദ്ധ ഇന്നും രോഗത്തിന്റെ കണക്കുകളെ വിടാതെ പിന്തുടരുകയാണ്. ഇത്തരം ഒരു പശ്ചാത്തലത്തിൽ ആണ് എപ്പിഡമിയോളജി - രോഗവ്യാപനത്തിന്റെ ശാസ്ത്രം എന്ന പുസ്തകം കേരള ശാസ്ത്ര സാഹിത്യ പരിഷത്ത് പ്രസിദ്ധീകരിക്കുന്നത്. കോവിഡ് വ്യാപനത്തിന്റെ ആദ്യനാളുകളിൽ പൊതുജനാരോഗ്യ വിദഗ്ദനും ഹെൽത്ത് ഇക്കണോമിസ്റ്റും ആയ ഡോ രാമൻകുട്ടി ലൂക്കയിൽ എഴുതിയ ലേഖനങ്ങളെ അടിസ്ഥാനമാക്കിയാണ് ഈ പുസ്തകം. രോഗവ്യാപനത്തിന്റെ ശാസ്ത്രം എന്തുകൊണ്ട് പൊതുജനങ്ങൾ അറിഞ്ഞിരിക്കണം എന്ന് അദ്ദേഹം വിശദീകരിക്കുന്നു.  ആരോഗ്യരംഗത്ത് കൃത്യമായ വിവരശേഖരണം, അതിന്റെ വിലയിരുത്തൽ, അതിനെ അടിസ്ഥാനമാക്കിയുള്ള നയതീരുമാനങ്ങളുടെ പ്രസക്തി എന്നീ വിഷയങ്ങളെ കുറിച്ചും അദ്ദേഹം സംസാരിക്കുന്നു.. വിവര വിശകലനങ്ങളുടെയും പ്രവചനങ്ങളുടെയും ഒരു വെള്ളപ്പാച്ചിൽ ആണു കൊറോണ കാലത്ത് നമ്മൾ കണ്ടത്. എന്നാൽ തീർത്തും പുതിയതും മനുഷ്യ ജീവിതത്തെ സാരമായി ബാധിക്കുന്നതുമായ ഒരു രോഗത്തെ കൃത്യമായി പ്രവചിക്കാനുള്ള ശ്രമങ്ങൾ എത്രത്തോളം  ഇന്നുള്ള രോഗവ്യാപന ശാസ്ത്രത്തിന്റെ അറിവുകളെ അടിസ്ഥാനമാക്കിയാണ് എന്നത് പ്രസക്തമായ ചോദ്യമാണ്. വ്യത്യസ്ത രീതിയിലുള്ള വിവരങ്ങളുടെ കുത്തൊഴുക്കിൽ പെട്ടുപോകുന്ന സാധാരണക്കാരനു അവശ്യം അറിയേണ്ട ചില രോഗവ്യാപന ശാസ്ത്ര തത്വങ്ങൾ ഉണ്ട്. അവയെ കുറിച്ചും അവ വിശദമായി പറയുന്ന പുസ്തകത്തെ കുറിച്ചുമാണ് ഈ എപ്പിസോഡിലെ സംസാരം. ഡോ.രാമൻകുട്ടിയോടൊപ്പം ഡോ.ഡാലി ഡേവിസ്, ജി.സാജൻ, രാജേഷ് പരമേശ്വരൻ എന്നിവരും സംസാരിക്കുന്നു.

കോവിഡ് പ്രതിരോധത്തിന്റെ കാര്യത്തിൽ മറ്റു സംസ്ഥാനങ്ങളുമായി കേരളത്തെ താരതമ്യം ചെയ്യാൻ കഴിയില്ല. കാരണം കേരളം കോവിഡിനെ പ്രതിരോധിച്ച രീതി മറ്റു സംസ്ഥാനങ്ങളിൽ നിന്ന് വ്യത്യസ്തമാണ്. നിലവിലെ സാഹചര്യത്തിൽ നാം ചെയ്യേണ്ടതെന്താണ് ? ഡോ.ടി.എസ്.അനീഷ് (കമ്യൂണിറ്റി മെഡിസിൻ വിഭാഗം, തിരുവനന്തപുരം മെഡിക്കൽ കോളേജ്) സംസാരിക്കുന്നു

സ്വാതന്ത്ര്യം പോലെ സ്വതന്ത്രമായൊരു (Free as in freedom) വിജ്ഞാനകോശം എന്ന ആശയത്തിനുമേൽ, സൈബർ ലോകത്തെ അറിവിനെ ജനാധിപത്യവത്കരണത്തിനു വാതിലുകൾ തുറന്നിട വിക്കിപീഡിയ  ഇരുപതാം വർഷം ആഘോഷിക്കുകയാണ്. ഈ മഹാമാരിക്കാലത്തും വിവരങ്ങൾ മാത്രമല്ല തെറ്റായ വിവരങ്ങൾ എങ്ങനെ മനസ്സിലാക്കാം എന്നതും വിക്കിപീഡിയ ലക്ഷ്യമാണ്. വിക്കിപീഡിയ നടന്ന വഴികൾ, അതിന്റെ ലക്ഷ്യങ്ങൾ, ഏറ്റവും പുതുതലമുറ വിക്കി വഴി നടക്കുമോ? വിക്കിപീഡിയയിൽ ലിംഗസമത്വം എത്രമാത്രമുണ്ട് മുതലായ കാര്യങ്ങൾ ഡോ. നത ഹുസൈൻ ലൂക്ക പോഡ്കാസ്റ്റിൽ ചർച്ച ചെയ്യുന്നു.

2021 ലെ വിക്കിമീഡിയൻ ഓഫ് ദ ഇയർ, ഓണറബിൽ മെൻഷൻ അവാർഡ് ജേതാവാണ് നത ഹുസൈൻ. ഓപ്പൺ സോഴ്സ് സങ്കേതങ്ങളിൽ പ്രവർത്തിക്കുന്ന മലയാളി സ്ത്രീകളിൽ മുന്നിൽ നിൽക്കുന്ന നതയ്ക്ക് 2020 ഇൽ റെഡ് ഹാറ്റിന്റെ വിമൻ ഇൻ ഓപ്പൺ സോഴ്സ് അവാർഡും കിടിയിട്ടുണ്ട്. കോഴിക്കോട് മെഡിക്കൽ കോളേജുമായി നടത്തിയ ഗ്ലാം പ്രൊജെക്റ്റിനെ കുറിച്ചും അതിന്റെ തുടർച്ചയെ കുറിച്ചും താൻ വിക്കിയിൽ നടന്ന വഴികളെ കുറിച്ചും കൂടി ഡോ.നത ഹുസ്സൈൻ സംസാരിക്കുന്നു. ഡോ.ഡാലി ഡേവിസ്, രാജേഷ് പരമേശ്വരൻ, ജി.സാജൻ എന്നിവർ ചർച്ചയ്ക്ക് നേതൃത്വം നൽകുന്നു

കോവിഡ് വൈറസിന്റെ ഡെൽറ്റ പ്ലസ് ജനിതക വ്യതിയാനം എത്രത്തോളം അപകടകരമാണ് ?ഡോ.ടി.എസ്.അനീഷ് (ആസോസിയേറ്റ് പ്രൊഫസർ, കമ്യൂണിറ്റി മെഡിസിൻ, തിരുവനന്തപുരം, മെഡിക്കൽ കോളേജ്) സംസാരിക്കുന്നു

ഫോട്ടോഗ്രാഫറും പ്രകൃതിനിരീക്ഷകനുമായ അഭിലാഷ് രവീന്ദ്രന്റെ കാട് ക്യാമറ കഥ പംക്തി. ഇപ്രാവശ്യം പാമ്പുകളുടെ ലോകത്തെ രാജാവെന്നറിയപ്പെടുന്ന രാജവെമ്പാലയെക്കുറിച്ച് കൂടുതലറിയാം.

ബോധന മാധ്യമം എന്തായിരിക്കണം എന്ന ചർച്ചകൾ വീണ്ടും ചൂടുപിടിച്ചിരിക്കുകയാണല്ലോ. മലയാളത്തിൽ സാങ്കേതിക വിദ്യാഭ്യാസം നൽകാനുള്ള സാധ്യതയെ സാങ്കേതിക പദാവലി ഇല്ല എന്ന കാരണത്താൽ കേരളം നിരസിച്ചിരിക്കുകയും ചെയ്യുന്നു. ഈ സാഹചര്യത്തിൽ കേരള ശാസ്ത്ര സാഹിത്യ പരിഷത്തിന്റെ രണ്ട് ജില്ലാ സമ്മേളനങ്ങളിലെ പ്രമേയങ്ങൾ വലിയ ചർച്ചക്ക് വഴിവെക്കുകയും വിമർശിക്കപ്പെടുകയും ചെയ്തു. ഈ പശ്ചാത്തലത്തിൽ ആണ് ഈ വിഷയത്തിൽ ഒരു ചർച്ചക്ക് റേഡിയോ ലൂക്ക തയ്യാറാവുന്നത്. ചർച്ചയിൽ നമ്മോടൊപ്പം ദീർഘകാലം പരിഷത്തിന്റെ സഹയാത്രികരായ വി വിനോദ്, സി എം മുരളീധരൻ എന്നിവർ ചേരുന്നു. ബോധനമാധ്യമം എന്ത് എന്ന ചർച്ച എന്തുകൊണ്ട് ഇംഗ്ലീഷും മലയാളവും തമ്മിലുള്ള കേവലമായ ഒരു തർക്കാമായി ചുരുക്കിക്കൂടാ എന്ന് വാദിക്കുകയാണ് ഇവർ. ഇന്ന് നിലവിലുള്ള ഇംഗ്ലീഷ് മീഡിയം വിദ്യാഭ്യാസം ഒരു ജ്ഞാനസമൂഹ സൃഷ്ടി എന്ന നവകേരള ആശയത്തോട് ചേർന്ന് നിൽക്കുന്നുണ്ടോ? ജീവിതവിജയത്തിനു ഇംഗ്ലീഷ് വേണം എന്ന വാദത്തിന്റെ വസ്തുതകൾ എന്തൊക്കെ എന്നതും ഈ ചർച്ചയുടെ വിഷയമാവുന്നു. ജ്ഞാന സമൂഹത്തിലെ ഭാഷ എന്ന വസ്തുതയെ മുന്നിർത്തി ഭാഷാ ഇൻസ്റ്റിറ്റ്യൂട്ടിന്റെ ശ്രമങ്ങളുടെ ചരിത്ര പശ്ചാത്തലം, ഒരു ജ്ഞാന സമൂഹത്തിന്റെ ഭാഷാ നയം എന്നിവയെല്ലാം ഈ സംഭാഷണത്തിൽ ചർച്ച ചെയ്യപ്പെടുന്നുണ്ട്. ഈ വിഷയത്തിൽ നടക്കുന്ന ചർച്ചകളെ ശരിയായ ദിശയിൽ കൊണ്ടുവരാനുള്ള ഒരു ശ്രമം കൂടിയാണു ഈ എപ്പിസോഡിലെ സംഭാഷണങ്ങൾ.

ഏതാണ്ട് 590 കിലോമീറ്റർ തീരപ്രദേശം ഉള്ള ഒരു സംസ്ഥാനമാണ് കേരളം. കേരളത്തിന്റെ സമ്പദ് വ്യവസ്ഥയിലും തീരമേഖല നല്ലൊരു പങ്ക് വഹിക്കുന്നുണ്ട്. വർദ്ധിച്ചു വരുന്ന തീരശോഷണം, അടിക്കടിയുണ്ടാവുന്ന കടൽ ക്ഷോഭം ഇവ തീരങ്ങളും തീരനിവാസികളും നേരിടുന്ന വലിയ വെല്ലുവിളികളാണ്. ഈ പ്രശ്നങ്ങൾ മനസ്സിലാക്കുകയും പ്രശ്നപരിഹാരത്തിനായി ക്രിയാത്മകമായ നിലപാടുകൾ സ്വീകരിക്കുകയും ചെയ്യുന്നതിന് കേരള സമൂഹം മുൻകൈ എടുക്കേണ്ടിയിരിക്കുന്നു. ഈ ശ്രദ്ധ ക്ഷണിക്കലിന്റെ തുടക്കമാണ് ശ്രീ ജോസഫ് വിജയനുമായുള്ള  സംഭാഷണം കൊണ്ട് ഇത്തവണത്തെ പോഡ്കാസ്റ്റ് ലക്ഷ്യമിടുന്നത്. ഈ മേഖലയിൽ അദ്ദേഹത്തിന്റെ ദീർഘ നാളായുള്ള സാമൂഹ്യ പ്രവർത്തന പരിചയം ഇത്തരം വിഷയങ്ങളിൽ നടക്കുന്ന വാദപ്രതിവാദങ്ങളിൽ പ്രസക്തമായ ചില കാര്യങ്ങൾ മുന്നോട്ട് വെക്കുന്നു.

ലോകമെമ്പാടുമുള്ള ആവാസവ്യവസ്ഥകളുടെ തകർച്ച തടയുന്നതിനും പുനസ്ഥാപിക്കുന്നതിനുമുള്ള ഐക്യരാഷ്ട്രസഭയുടെ ദശകത്തിന് തുടക്കം കുറിക്കുകയാണ്..എന്താണ് ആവാസവ്യവസ്ഥ പുനസ്ഥാപനം? ആവാസ വ്യവസ്ഥ സംരക്ഷണപ്രവർത്തനങ്ങളിൽ നിന്ന് പുനസ്ഥാപനപ്രവർത്തനങ്ങൾ എങ്ങനെ വ്യത്യാസപ്പെട്ടിരിക്കുന്നു ? എന്താവണം അതിനായി ഉണ്ടായി വരേണ്ട സമീപനവും കർമ്മപരിപാടിയും ? - സംസ്ഥാന ജൈവവൈവിധ്യ ബോർഡ് ചെയർപേഴ്സൺ ഡോ.ജോർജ്ജ് തോമസുമായുള്ള സംഭാഷണം കേൾക്കാം

കോവിഡിന്റെ രണ്ടാംതരംഗത്തെ പ്രതിരോധിക്കുന്നതിനായുള്ള ഈ ലോക്ക്ഡൗണിൽ നാം വീട്ടിനകത്തിരിക്കുമ്പോൾ ശ്രദ്ധിക്കേണ്ട കാര്യങ്ങൾ - തിരുവനന്തപുരം മെഡിക്കൽകോളേജിലെ കമ്യൂണിറ്റി മെഡിസിൻ വിഭാഗം അധ്യാപകനായ ഡോ.ടി.എസ്.അനീഷ് വിശദമാക്കുന്നു...

കോവിഡ് പ്രതിരോധത്തിൽ വാക്സിന്റെ പ്രാധാന്യമെന്താണ് ? , വാക്സിനുകൾ എങ്ങനെയാണ് പ്രവർത്തിക്കുന്നത് ? ലളിതമായി വാക്സിന്റെ ശാസ്ത്രം വിശദീകരിക്കുകയാണ് തിരുവനന്തപുരം മെഡിക്കൽകോളേജിലെ കമ്യൂണിറ്റി മെഡിസിൻ വിഭാഗം അധ്യാപകനായ ഡോ.ടി.എസ്.അനീഷ്. കേൾക്കാം

കെ റയിൽ പദ്ധതി വീണ്ടും ചർച്ചകളിലേക്ക് വരികയാണ്. ഈ പദ്ധതിക്ക് വേണ്ട വായ്പ സമാഹരിക്കാൻ നീതി ആയോഗിന്റെ അനുമതിയും ലഭിച്ചിരിക്കുന്നു. ഈ പദ്ധതി കേരളത്തിന് അനുയോജ്യമാണോ? നിലനിൽക്കുന്ന റയിൽവേ സംവിധാനം മെച്ചപ്പെടുത്തി ഇപ്പോഴുള്ള പ്രശ്നങ്ങൾ പരിഹരിക്കാൻ കഴിയുമോ ? ഈ പദ്ധതിക്കുള്ള സാമ്പത്തിക പാരിസ്ഥിതിക പ്രത്യാഘാതങ്ങൾ എന്താണ് ? ഇപ്പോൾ നിർദേശിക്കപ്പെട്ട സ്റ്റാൻഡേർഡ് ഗേജ് ഭാവി വികസനത്തെ പ്രതികൂലമായി ബാധിക്കില്ലേ? എന്താണ് ബദൽ സാദ്ധ്യതകൾ ? 

ഡോ ആർ വി ജി മേനോൻ സംസാരിക്കുന്നു..റേഡിയോ ലൂക്കയിലെ പോഡ്കാസ്റ്റ് കേൾക്കൂ

കോവിഡ് മഹാമാരിയുടെ രണ്ടാം തരംഗത്തിലൂടെ കടന്നുപോവുകയാണു നമ്മൾ. ഈ മഹാമാരിയിൽ നിന്ന് വിടുതൽ നേടാൻ വാക്സിനുകളിലാണു ലോകം പ്രതീക്ഷയർപ്പിക്കുന്നത്. എന്നാൽ ലോകമെമ്പാടും വാക്സിൻ എത്രയും വേഗത്തിൽ ലഭ്യമാക്കുക എന്ന ലക്ഷ്യത്തിൽ നിന്ന് വളരെ അകലെയാണു നമ്മൾ. വാക്സിൻ ഉൽപ്പാദനം സാർവത്രികമാക്കുന്നതിനു വാക്സിനുകളുടെ ബൗദ്ധിക സ്വത്തവകാശം ഒരു തടസ്സമായി മാറുമോ എന്ന ചോദ്യമാണു ഈ പോഡ്കാസ്റ്റിൽ നമ്മൾ വിഷയമാക്കുന്നത്. ഈ വിഷയത്തിൽ നമ്മളോട് സംസാരിക്കുന്നത് പൊതുജനാരോഗ്യ വിദഗ്ധനായ ഡോ ബി ഇക്ബാൽ ആണു. വികസ്വര രാജ്യങ്ങളിലെ വാക്സിൻ ലഭ്യത ഉറപ്പുവരുത്തുന്നതിൽ വാക്സിൻ നിർമാണ രംഗത്തെ  നിർണായക ശക്തി എന്ന നിലയിൽ ഇന്ത്യക്ക് വലിയ പങ്കുവഹിക്കാനുണ്ട് എന്ന് അദ്ദേഹം നിരീക്ഷിക്കുന്നു. ഒപ്പം ഇപ്പോഴുള്ള ആഭ്യന്തര വാക്സിൻ നയത്തിലെ പാളിച്ചകളെ എന്തുകൊണ്ട് തിരുത്തേണ്ടതുണ്ട് എന്നും അദ്ദേഹം വിശദീകരിക്കുന്നുണ്ട്. കോവിഡ് വാക്സിൻ പശ്ചാത്തലത്തിൽ ഉയർന്നുവരുന്ന വാക്സിൻ സാർവദേശീയതയെ പ്രതീക്ഷയോടെ നോക്കിക്കാണുന്നു ഈ ചർച്ച.

വരും ദിനങ്ങൾ നിർണ്ണായകമാണ്.ഒറ്റമനസ്സോടെ ഒന്നിച്ചു നിന്നാലെ നമുക്ക് മഹാമാരിയെ ചെറുക്കാൻ സാധിക്കുകയുള്ളു..ഡൽഹിയിലും മറ്റു സംസ്ഥാനങ്ങളിലും നടക്കുന്നതുപോലെ കേരളത്തിൽ സംഭവിക്കാതിരിക്കാൻ നാമെന്ത് ചെയ്യണം...ഡോ.ടി.എസ്.അനീഷ് (അസോസിയേറ്റ് പ്രൊഫസർ, കമ്യൂണിറ്റി മെഡിസിൻ, തിരുവന്തപുരം മെഡിക്കൽ കോളേജ്) സംസാരിക്കുന്നു

ഇനി എങ്ങനെയാണ് ഈ ദുരന്തത്തിൽ നിന്നും വ്യക്തിപരമായും സാമൂഹ്യമായും നമുക്ക് കരകയറുവാൻ സാധിക്കുക ? ഡോ.ടി.എസ്.അനീഷ് (അസോസിയേറ്റ് പ്രൊഫസർ, കമ്യൂണിറ്റി മെഡിസിൻ, തിരുവന്തപുരം മെഡിക്കൽ കോളേജ്) സംസാരിക്കുന്നു

ഇന്ത്യയുടെ കോവിഡ് വാക്സിൻ പോളിസി വലിയ ചർച്ചകൾക്ക് വഴി വെച്ചിരിക്കുകയാണു. 18 മുതൽ 45 വയസ്സുവരെയുള്ളവർക്ക് മെയ് 1 മുതൽ വാക്സിൻ നൽകാൻ കേന്ദ്ര സർക്കാർ തീരുമാനിച്ചിരുന്നു. ഇതിനൊപ്പം തന്നെ സംസ്ഥാന സർക്കാരുകൾ കൂടിയ വിലക്ക് വാക്സിൻ സ്വന്തം നിലക്ക് വാങ്ങി വിതരണം ചെയ്യണം എന്ന നിർദ്ദേശവും വന്നിരുന്നു. ഈ വാക്സിൻ നയത്തിന്റെ പാളിച്ചകൾ എന്തെല്ലാമാണു എന്ന് വിശകലനം ചെയ്യുകയാണു ഈ പോഡ്കാസ്റ്റ്. സാർവത്രികവും സൗജന്യവുമായ വാക്സിനേഷൻ ഒരു അവകാശമാവുന്നത് എങ്ങനെയെന്ന് വസ്തുതകളും കണക്കുകളും നിരത്തി നമ്മളോട് വിശദീകരിക്കുന്നത് ടാറ്റാ ഇൻസ്റ്റിറ്റ്യൂട്ട് ഓഫ് സോഷ്യൽ സയൻസസിലെ പ്രൊഫസറും കേരള പ്ലാനിങ് ബോർഡ് അംഗവുമായ പ്രൊഫ.രാംകുമാർ ആണ്. വാക്സിൻ വിതരണത്തെ സംബന്ധിച്ച തർക്കങ്ങൾ, വാക്സിൻ നയത്തിലെ പോരായ്മകൾ ഇവയെ കുറിച്ച് വിശദമായി സംസാരിക്കുന്ന ഈ ചർച്ച കോവിഡിന്റെ രണ്ടാം തരംഗം നാശം വിതക്കുന്ന ഈ സമയത്ത് തീർച്ചയായും കേട്ടിരിക്കേണ്ട ഒന്നാണ്. വില നിർണയം മാർക്കറ്റിലെ മൽസരത്തിനു വിട്ടുകൊടുക്കണം തുടങ്ങിയ ഒറ്റനോട്ടത്തിൽ ശരിയാണോ എന്ന് പലർക്കും തോന്നാവുന്ന വാദങ്ങളെ വസ്തുനിഷ്ഠമായി വിശകലനം ചെയ്യുന്ന ഈ ചർച്ച മുന്നോട്ട് വെക്കുന്ന ചോദ്യങ്ങൾ കാലിക പ്രസക്തമാണ് - കോവിഡ് വാക്സിന്റെ വിഷയത്തിൽ മാത്രമല്ല , പൊതുജനരോഗ്യ നയത്തെ കുറിച്ചുള്ള വിശകലനത്തിലും.

കേരളം നേരിടുന്ന വലിയ ആരോഗ്യപ്രതിസന്ധിയാണ് ജീവിതശൈലീരോഗങ്ങൾ. ജീവിതശൈലീരോഗങ്ങൾ എൺപത് ശതമാനവും തടയാനാകുന്നതാണ്. കോവിഡ് പശ്ചാത്തലത്തിൽ ജീവിതശൈലീരോഗങ്ങളെക്കുറിച്ച് നിലവിൽ കേന്ദ്ര കേരള സർവകലാശാലയിലെ പൊതുജനാരോഗ്യവിഭാഗം പ്രൊഫസറായ ഡോ.കെ.ആർ.തങ്കപ്പൻ സംസാരിക്കുന്നു.

നമ്മുടെ തദ്ദേശഭരണ സ്ഥാപനങ്ങളിൽ പുതിയ ഭരണസമിതികൾ അധികാരത്തിലെത്തിക്കഴിഞ്ഞു. പുതിയ കാലഘട്ടത്തിൽ പുതിയ കാഴ്‌ചപ്പാടുകളും ഉത്തരവാദിത്തങ്ങളും വെല്ലുവിളികളുമാണ് തദ്ദേശഭരണ സ്ഥാപനങ്ങൾക്കുമുന്നിലുള്ളത്. ജനകീയാസൂത്രണത്തിന്റെ രജത ജൂബിലി വർഷമാണ് ഇത്‌‌. ജനകീയാസൂത്രണം വന്നശേഷം ജനിച്ചവരും ജനപ്രതിനിധികളായി വന്നുവെന്നത്‌ ഈ വർഷത്തെ പ്രത്യേകതയാണ്‌. വികസനരംഗത്ത്‌ കേരളം ഒരുഘട്ടം പിന്നിട്ടു. ഒട്ടേറെ നേട്ടം കൈവരിച്ചു. ഈ നേട്ടങ്ങൾക്കൊപ്പം ന്യൂനതകൾകൂടി കണ്ടെത്തണം. അവകൂടി ഉൾക്കൊണ്ട്‌ പുതിയ ലക്ഷ്യത്തിലേക്ക്‌ നീങ്ങണം. പുത്തൻ നഗരങ്ങളും  പുത്തൻ ഗ്രാമങ്ങളുമാണ്‌ നമുക്കു മുമ്പിൽ. തദ്ദേശ സ്ഥാപനങ്ങൾക്കുള്ള പരിശീലന കേന്ദ്രമായ കില ഡയറക്ടർ ഡോ. ജോയ്‌ ഇളമണുമായി ഡോ. ഡാലിഡേവിസ്, ജി.സാജൻ, രാജേഷ് പരമേശ്വരൻ എന്നിവർ സംസാരിക്കുന്നു.

ഭക്ഷ്യസുരക്ഷയും കാലാവസ്ഥാമാറ്റവും  എങ്ങനെ ബന്ധപ്പെട്ടിരിക്കുന്നു? എന്താണ് നാം നേരിടുന്ന പ്രതിസന്ധി ? പരിഹാരം ജൈവകൃഷിയല്ല, എന്തുകൊണ്ട് ? കേരള കാർഷികസർവകലാശാല അഗ്രോണമി വിഭാഗം തലവനായിരുന്ന ഡോ.ജോർജ്ജ് തോമസുമായി ജി,സാജൻ, രാജേഷ് പരമേശ്വരൻ എന്നിവർ നടത്തിയ സംഭാഷണം കേൾക്കാം

ലോകം വളരെ പ്രതീക്ഷയോടെ കോവിഡ് വാക്‌സിനുവേണ്ടി കാത്തിരിക്കുകയാണ്.  കോവിഡ് വ്യാപനം നിയന്ത്രിക്കുന്നതിന് വാക്‌സിന്റെ പങ്കെന്തായിരിക്കും ? , എങ്ങനെയാണ് വാക്‌സിനുകൾ നിർമ്മിക്കുക ?,ആർക്കൊക്കെയാണ് വാക്‌സിൻ കിട്ടുക ? , വാക്‌സിന്റെ സാമൂഹിക രാഷ്ട്രീയ മാനങ്ങൾ.. പൊതുജനാരോഗ്യരംഗത്ത് ശ്രദ്ധേയരായ ഡോ. കെ.പി.അരവിന്ദൻ (റിട്ട. പ്രൊഫസർ, പത്തോളജി വിഭാഗം മെഡിക്കൽ കോളേജ്, കോഴിക്കോട്) ഡോ. അനീഷ് ടി.എസ് ( കമ്യൂണിറ്റി മെഡിസിൻ വിഭാഗം, ഗവ. മെഡിക്കൽ കോളേജ് തിരുവനന്തപുരം) എന്നിവർ തമ്മിലുള്ള ചർച്ച കേൾക്കാം. 

കാർഷികബില്ലുകളോടുള്ള പ്രതികരണമെന്ന നിലയിലാണ് കർഷകസമരം ഇന്ത്യയുടെ തലസ്ഥാനത്ത് നടന്നുകൊണ്ടിരിക്കുന്നത്. കർഷകർ ഉയർത്തുന്ന വാദങ്ങൾ എന്തൊക്കെയാണ് ? ഇവരുടെ വാദങ്ങളിൽ എത്രത്തോളം സത്യമുണ്ട് ? കർഷകരുടെ ആശങ്കകൾ പരിപഹരിക്കാനുള്ള നടപടികൾ എന്തെല്ലാമാണ് ? പ്രൊഫ. ആർ. രാംകുമാറുമായി (ടാറ്റാ ഇൻസ്റ്റിറ്റ്യൂട്ട് ഓഫ് സോഷ്യൽ സയൻസ്)  ജി. സാജൻ, രാജേഷ്  പരമേശ്വരൻ എന്നിവർ നടത്തിയ സംഭാഷണം കേൾക്കാം

ഈ എപ്പിസോഡിൽ നമ്മൾ സംസാരിക്കുന്നത് വിജ്ഞാനോത്സവങ്ങളെക്കുറിച്ചാണ്. വിജ്ഞാനപരീക്ഷയിൽ തുടങ്ങി വിജ്ഞാനോത്സവങ്ങളിലേക്ക് മാറിയ ഈ പരിപാടി കേരള ശാസ്ത്രസാഹിത്യ പരിഷത്തിന്റെ വിദ്യാഭ്യാസ മേഖലയിൽ ശ്രദ്ധയാകർഷിച്ച ഇടപെടലുകളിൽ ഒന്നാണ്. വിജ്ഞാനപ്പരീക്ഷയിൽ നിന്ന് വിജ്ഞാനോത്സവങ്ങളിലേക്കുള്ള മാറ്റം  എങ്ങനെയുണ്ടായി എന്നും കൊറോണകാലത്ത് വിജ്ഞാനോത്സവം കുട്ടികളിലേക്ക് എത്തുന്നത് എങ്ങിനെയാണെന്നും  സംസാരിക്കാനായി, വിജ്ഞാനോത്സവചരിത്രത്തിലേക്ക് ഒരു എത്തിനോട്ടം നടത്തുന്നതിനുവേണ്ടി, വിജ്ഞാനോത്സവത്തിന്റെ ഈ വർഷത്തെ ചുമതല വഹിക്കുന്ന വിനോദ് മാഷ് നമ്മുടെ കൂടെയുണ്ട്. മാഷോടൊപ്പം പ്രൊഫ.  കെ.പാപ്പൂട്ടി, ഡോ. സി. രാമകൃഷ്ണൻ , ജി.സാജൻ, ഡോ.ഡാലി ഡേവിസ്, രാജേഷ് പരമേശ്വരൻ എന്നിവരും സംഭാഷണത്തിൽ പങ്കു ചേരുന്നു.

ആഗോളതാപനം, കാലാവസ്ഥാവ്യതിയാനം എന്നൊക്കെ നമ്മളിന്ന് സ്ഥിരമായി കേട്ടുകൊണ്ടിരിക്കുന്ന പദങ്ങളാണ്..യഥാർത്ഥത്തിൽ നമ്മുടെ ജീവിതത്തിന്റെ ഭാഗമായി ഈ പ്രശ്നങ്ങൾ മാറിക്കഴിഞ്ഞു. കഴിഞ്ഞ ഏതാനും പതിറ്റാണ്ടുകളിലായി  ലോകം മുഴുവൻ ഒരുമിച്ചഭിമുഖീകരിക്കുന്ന ഏറ്റവും വലിയ പ്രശ്നം ഏതാണെന്ന് ചോദിച്ചാൽ ഒരുപക്ഷെ അത് കാലാവസ്ഥാ വ്യതിയാനമായിരിക്കും. ആഗോളതാപനവും കാലാവസ്ഥാമാറ്റവും - ഗവേഷകരായ ഡോ. നതാഷ ജെറി , ഡോ. ഹംസക്കുഞ്ഞ് (New York University , Abu Dhabi) എന്നിവർ അവതരിപ്പിക്കുന്നു