Malva e Duarte falan de misterios

Volvemos despois de ter a Sara Riveiro secuestrada no soto de Malva e Duarte falan de misterios unha semana para obrigala a charlar un chisco máis connosco sobre Olivia Rodrigo, a epidemia de divorcios de famosos, as vidas sentimentais das Kardashian e ser a amiga á que tes medo de presentarlle o teu mozo.

Ninguén contaba con isto, pode que nin nós mesmos, pero esta semana temos un misterio de Formula 1! @SaraRiveiro ven falar con Malva e Duarte sobre un estraño suceso de Fernando Alonso, a casposa figura de Rafa Nadal e os fandoms tóxicos.

Esta semana Duarte marcha de vacacións, pero non vos preocupedes, que ven Helena (@cousasrarismas) a ocupar o seu lugar! Nunha conversa máis longa do que debería sobre monolingües, Love Actually e o os beneficios de ter amigues desempregades, un non pode evitar pensar que en vez de “Malva e Helena falan de tanxentes” este episodio igual debería chamarse: Malva e Helena esquecen que están nun podcast e non unha chamada de teléfono.

Non sempre temos que viaxar a países moi afastados; esta semana, o misterio queda na casa. Tres plátanos, cinco sospeitoses, e un invitado moi especial no segundo episodio da terceira tempada, onde esta vez Malva, Duarte e Diego Anido falan de misterios.

Dos creadores de Malva e Duarte falan de Misterio chega: Malva e Duarte falan de Tanxentes, un novo formato de programa que reflexa a gran orixinalidade que temos á hora de poñer nomes. Neste tipo de episodio, cambiamos o paranormal pola actualidade, ou máis ben polo temas que se nos van ocorrendo.

Xa sabedes o que din, non hai dous sen tres! E como expertos en misterio, volvemos cunha nova tempada sen deixar nada claro porque acabamos a anterior. Nesta ocasión falamos das xemelgas Pollock, un caso sobre reencarnacións, o medo aos coches e o feos que son algúns bebés.

Parece mentira pero unha temporada e media despois, por fin temos un misterio galego! Neste novo episodio falamos de Manuel Blanco Romasanta, o primeiro caso documentado dun lobishome, e como aconteceu o seu xuizo, sen esquecernos de Elon Musk, das pelis que vimos recentemente e do interesante que é falar cunha persoa que non te escoita.

Desta vez Malva e Duarte mudan os misterios polas conspiracións no episodio máis especial ata o momento, nunha colaboración co podcast de Conversas Perversas.

Nun xiro de guión, abandonamos o esquema habitual para facer unha competición de teorías, nas que explicamos catro conspiracións para ver cal é a gañadora. 

Este episodio é a primeira parte do especial, así que para saber como remata, ides ter que escoitar a segunda parte no podcast de Conversas Perversas!

Advertencia de contido: Este episodio contén discusións sobre violencia policial. 

Esta semana Malva e Duarte discuten as misteriosas desaparicións de dous homes en Islandia nos 70, o novo álbum de Taylor Swift, soños raros con cameos de famosos e saudamos a Martín amigo do podcast.

Non estaban mortos, estaban de parranda! Volve Malva e Duarte falan de misterio nunha segunda tempada retrasada polo duro verán e a dura cara de Duarte. Neste novo inicio tocamos un códice relacionado co demo, porque “comezo” e “número par” significan falar de libros. Arranca o outubro spooky cos misterios peor contados que escoitarás xamáis, pero agora cun dous diante.

Despois doutro pequeno descanso, volven Malva e Duarte, outra vez de resaca, para falar da calor que teñen, a community manager adolescente Raquel que pasaba por alí, Miss Vaca, Shrek e, de cando en vez, discuten sobre quen puxo a Bella no umeiro.

Despois dun mes agardando polo episodio, que máis ten agardar vinte minutos para que entren en materia?

Hoxe temos o pracer de presentar en exclusiva a segunda edición dos Lake Awards, na que Malva e Duarte intentan desenvolverse sen o seu produtor na sombra o Ghanito mentres conversan sobre temas moi relacionados cos lagos, como pirámides, o que queren que pase cos seus corpos cando morran e a escala de Richter.

O famoso misterio das caras de Bélmez como nunca antes oíches contar. Ectoplasmas, albaneis, familiares sacando tallada e a saba santa de Turín. Todo comeza cunhas manchas na parede e, desta volta, remata cun desafío con outro podcast. 😱 

Melendi, avións, piratas e o FBI. Esta semana Malva e Duarte falan do misterio do lexendario ladrón dos 70 D.B. Cooper, e entre as tanxentes desta semana contamos con: fumar en avións, o poder duns bos lentes de sol e as tatuaxes. Acompañádenos esta semana para discutir o delito favorito de Malva e Duarte mentres, como de costume, demostran o pouco que saben sobre avións.

Sabiades que Amazonas é así de verde e diverso grazas a area do Sahara? Iso aprenden neste novo episodio Malva e Duarte cun invitado moi especial, co que falan da misteriosa desaparición dos fareiros da illa de Eilean Mor, o carbono-14, pandas, microondas, e abren o debate de que explica mellor os misterios do mundo: ciencia ou maxia?

Científicos, nomes de cans, Elon Musk e rochas no mar, todo iso nun especial sobre Atlantis no que falamos de todo menos de Atlantis. Neste novo episodio de 'Malva e Duarte falan de misterios' hai tanta presencia de tanxentes que non acabamos apurados de tempo e debatimos sobre que leva unha ensalada e se o tomate é un froito ou unha verdura. 

Nova entrega de Malva e Duarte falan de misterios, onde cambiamos o mar polas montañas nunha historia de desaparicións que se cruza polo medio dunha larga lista de cousas que non nos gustan, dende a neve ata os pandas, pasando por Shingeki No Kyojin.

Descubre como un programa que trata sobre excursionistas rusos empeza con piratas xaponeses e remata, sin que se saiba moi ben como, con gandeiros de renos.

Nesta semana, Malva e Duarte falan do misterio do Mary Celeste, fraude a aseguradoras, o infravalorados que están os calamares e o sexis que son as mulleres piratas. Unídevos esta semana mentres dúas persoas que non saben nada sobre o mar discuten o misterio dun barco claramente maldito.

Aínda que imos sacar un episodio cada dúas semanas, coa emoción da estrea imos lanzadas e traemos, sen agardar máis, outra entrega onde Duarte será o encargado de narrar un novo enigma. Trataremos a historia do Manuscrito de Voynich, Atlantis, as linguas mortas e o moito que nos gustan as palabras que empezan por archi-.