What The F?! A VERA Files Podcast

Nakipagkwentuhan ang VERA Files tungkol sa usapin ng abortion kay Atty. Claire Padilla, tagapagsalita ng Philippine Safe Abortion Advocacy Network, para sa ika-28 episode ng What The F?! Podcast.

Maraming insidente ng karahasan ang nauulat tuwing nalalapit ang eleksyon lalo na sa lokal na pamahalaan, ayon sa pag-aaral ng Ateneo School of Government. 

Bakit humahantong sa patayan ang away para sa mga pwesto sa barangay, ang pinakamaliit na unit ng pamahalaan?  

Alamin sa ika-27 na episode ng What The F?! Podcast: 

Mistulang mga magnanakaw sa sariling bakuran. Ganyan ang nararamdaman ng mga mangingisdang Filipino tuwing mapapalapit sa Scarborough Shoal, 224 kilometers mula sa Zambales.

Nitong mga nakaraang taon, mahigpit na ang pagbabantay ng China sa 150-kilometrong lagoon sa Scarborough. Kasabay nito ang paglala ng mga problemang binubuno ng mga mangingisda sa laot— kakaunti at maliliit na huling isda, mataas na presyo ng langis, pati na ang kakulangan sa gamit.

Dito sa Episode 25, Season 2 ng What The F?! Podcast pakinggan ang mga hinaing ng mga mangingisda na aming nakausap sa Masinloc at Candelaria sa Zambales.

Naging editor in chief ng Malaya na tinawag na “mosquito press” noong panahon ng martial law at ngayon ay editor in chief ng Business Mirror, ano kaya ang masasabi ni Lourdes “Chuchay” Fernandez sa pagkakaiba ng estado ng press freedom sa ilalim ng pamumuno ng anak ng diktador, si Pangulong Ferdinand Marcos Jr.?

Sasagutin ‘yan sa ika-24 na episode ng What The F?! Podcast Season 2. 

Paano nabuhay Ang Pahayagang Malaya, isang opposition newspaper na tinawag na “mosquito press” noong rehimen ni Ferdinand Marcos Sr.?

Sa paggunita ng ika-51 anibersaryo ng deklarasyon ng Martial Law sa Pilipinas noong Sept. 21, nakausap ng VERA Files si Lourdes “Chuchay” Fernandez, ang kauna-unahang babae na naging editor-in-chief ng national daily newspaper sa kasaysayan ng pamamahayag sa  bansa.

Pakinggan ang aming kwentuhan sa ika-23 episode ng What The F?! Podcast Season 2.

Para siguraduhing hindi makalilimutan ng mga taga-Cordillera ang kabayanihan nina Macli-ing Dulag, Pedro Dungoc Sr. at Lumbaya Gayudan, may monumento na itinayo sa Kalinga noong 2017 bilang pagkilala sa kanilang pakikipaglaban noong panahon ng martial law.

Pero kasabay ng lumalalang pagbaluktot sa kasaysayan, tinanggal ang  monumento noong 2021, sa utos umano ng pulis. Alamin dito sa Episode 22, Season 2 ng “What the F?!” podcast kung ano na ang nangyari sa Anti-Chico Dam Heroes Monument sa Bugnay, kung saan naging punong barangay si Macli-ing.

Dekada 70, naging matunog ang pangalan ni Macli-ing Dulag, lider ng tribo sa Kalinga. Hindi mataas ang kanyang pinag-aralan pero may tapang na lumaban sa diktaduryang Marcos para sa daan-libong kababayan. 

Kilalanin si Macli-ing Dulag dito sa Episode 21, Season 2 ng "What the F?!" Podcast ng VERA Files.

Naudlot man ng labing-isang taon, ipinagpatuloy ni Teresita Ang See ang mga hangarin nitong pagbuklurin and Tsinoy community tungo sa kaunlaran ng bansa.

Pakinggan sa Episode 20, Season 2 ng What The F?! Podcast kung paano bumuo si Ang See ng bagong organisasyon noong 1986, anim na taon pagkatapos ng martial law.

Para sa Tsinoy activist na si Teresita Ang See, hindi dapat maging hadlang ang lahi, lenggwahe at kulturang kinalakihan para makialam sa estado ng bansa.

Pakinggan ang kanyang kwento sa contribution ng Tsinoy community noong panahon ng Martial Law dito sa What The F?! Podcast ng VERA Files.

#MartialLawSpecials #TeresitaAngSee #Tsinoy

Umani ng kaliwa’t kanang batikos ang China matapos itong maglabas ng bagong “standard map” noong Aug. 28.

Pakinggan si Dr. Chester Cabalza, isang security analyst, kung ano ang intensyon ng China sa pagpapalabas ng bagong mapa.

May balak ka bang magbyahe sa ibang bansa? Bakasyon engrande o bibisita sa kamag-anak o kaibigan? 

Katapangan. Kabayanihan. Pagsisilbi sa bayan. Ano nga ba ang kabuluhan ng pagiging Medal for Valor awardee?

Pakinggan ang kwento ni retired colonel Ariel Querubin, isa sa most bemedalled officers ng AFP, dito sa What The F?! Podcast.

Pakinggan ang saloobin nina Roland Simbulan – asawa ni Chit Estella-Simbulan, isa sa founders ng VERA Files at nasawi sa road crash noong 2011, at ni Atty. Sophia San Luis ng ImagineLaw sa episode na ito ng What the F?! podcast.

Naging usap-usapan si Sen. Imee Marcos nang sabihin niyang “suot niya ang buong Cordillera” sa huling State of the Nation Address ng kanyang nakababatang kapatid, si Pangulong Ferdinand Marcos Jr. Ano ba ang ibig sabihin nito para sa indigenous peoples communities?

Bagong logo, bagong slogan, "Bagong Pilipinas"... Ramdam mo ba ang pagbabago?

Pakinggan ang usapan ng editors ng VERA Files tungkol sa ikalawang State of the Nation Address ng Pangulo dito sa Episode 12, Season 2 ng What The F?! Podcast.

Pasakit sa mga manggagawang Pilipino ang patuloy na pagtaas ng mga bilihin samantalang kakarampot ang nadadagdag sa minimum wage. Paano ito tinutugunan ng administrasyong Marcos?

Pakinggan ang usapan ng reporters ng VERA Files tungkol sa isyung ito.

Sa pag-appoint ni Pangulong Marcos kay Gadon, parang nag-dirty finger na rin s'ya sa mahihirap.

Pakinggan ang komentaryo ni Christian Esguerra ngayong linggo.

Dalawang anak ni Llore Pasco ang namatay dahil sa drug war sa ilalim ng administrasyon ni Rodrigo Duterte. Sa halip na magmukmok, sumapi siya sa Rise Up for Life and for Rights para bigyang hustisya ang pagkamatay ng kanyang mga anak.

Nagpatay-patayan si Efren Morillo para makaligtas sa Oplan Tokhang noong 2016. ‘Yung apat na kasama niya patay lahat. Pinaghinalaan silang nagdodroga.

Pakinggan natin ang kwento ni Efren dito sa unang episode ng Season 2 ng What the F?! Podcast ng VERA Files.

Paano magiging ligtas gamitin ang bike lanes?

Step 1: Simulan sa sariling bakuran.

Pakinggan ang komentaryo ni Christian Esguerra ngayong linggo.

Kailangan ba ni Rodrigo Duterte ang ganitong depensa? Akala ko ba handa niyang harapin ang ICC?

Alamin sa komentaryo ni Christian Esguerra sa VERA Files ngayong linggo.

Sa desisyon noong Enero 26, sinabi ng Pre-Trial Chamber na hindi  naipakita ng gobyerno ng Pilipinas na masusi nitong iniimbestigahan ang  matataas na opisyal na utak o nagpatupad ng mga krimen. Hindi rin umano  sinisiyasat ang mga posibleng “pattern” o polisiya sa pagpatay sa mga  pinaghihinalaang sangkot sa droga.

Nakapanayam ng VERA Files si Romel Bagares, isang abogado na dalubhasa sa international law, upang ipaliwanag ang mga proseso sa pagpapatuloy ng imbestigasyon ni ICC Prosecutor Karim Khan.

Pakinggan sa episode 20 ng What The F?! podcast.

Oras na para panagutin ang mga promotor at nagpatupad ng drug war.

Subaybayan ang komentaryo ni Christian Esguerra sa VERA Files ngayong linggo.

Sa pagpasok ng bagong taon, umabot sa P750 hanggang P800 kada kilo ang presyo ng sibuyas na dating nasa P60 lang. Tanong ng maraming Pinoy: Bakit nagkakaganito?

Tama bang isakripisyo si De Lima para lang hindi magalit si Duterte? 

Ngayong linggo, pakinggan ang komentaryo ni Christian Esguerra sa VERA Files.

Dapat panagutin ‘yung mga pulis na walang habas na pumatay dahil sa drug war.

Pakinggan ang podcast episode kasama si Christian Esguerra ngayong linggo.

Sana lang hindi magpakatuta ang mga senador; protektahan nila ang kapakanan ng sambayanang Filipino.

Ipinahayag ni Justice Secretary Boying Remulla kamakailan na hindi pa raw handa ang Pilipinas na magkaroon ng batas na magsusulong sa same sex marriage at anti-discrimination batay sa sexual orientation, gender identity, at gender expression.