Zona Wifi - Fóra de Cobertura

Hoxe, en 'Zona WiFi Fuera de Cobertura', damos a benvida á 'Volta ao Cole Tecnolóxica'. Pero, en lugar de engadir máis dispositivos ao noso arsenal, falaremos de por que decidín desfacerme de algúns deles. ¡Menos é máis!"

Pechamos o ano como so a Amador e Xabi lles gusta: especulando e cuñadeando. No canto de falar do que nos deparará o 2023 no eido da tecnoloxía, conversamos sobre o que foi o ano 2023, como se estivesemos no Nadal de 2023. Admitimos novas elucubracións, desvaríos tecnolóxicos. 

Que non sabes o que é a "cistalxia"? Pois escoita o capítulo.

Escoitámonos en 2023, benqueridos e benqueridas oíntes

Volver a ter un equipo con Windows ben merece a pena contalo!

Que che conto neste episodio?

• Que me levou a voltar a windows
• Con que equipo volvín a Windows
• Que uso lle vou a dar
• Que me gusta deste regreso
• Que non me gusta deste regreso, ou a qué me tiña acostumado macos

Lembra que temos un concurso en marcha, so tes que escoitar o último witip e participar :)

Retomamos as entrevistas e temas nos que non so cuñadeamos, senón que temos convidados!. Hoxe acompáñanos Oswaldo García Crespo, profesor de montaxe e novos medios na Facultade de Ciencias Sociais e da Comunicación da Uvigo. 

Que por que deberías escoitar todo o episodio? Pois porque temos un SORTEO moi guai. Así que xa sabes, escóitao, responde á pregunta do final e poderás gañar un Google Stadia. Así, como cho contamos.

Que pasa cando dous señores maiores falan da súa aproximación ao mundo dos videoxogos? Un vello-gamer e un novo-gamer falando de cousas de consolas e consolos, nun novo especial Wi-Tip con Amador Loureiro

E así foi como comecei a empregar o ipad como monitor externo. E o moito que me facilita a vida. 

Volvemos arrexuntarnos Amador e Xabi para abordar dúas preguntas clave nas nosas (de todos) vidas dixitais: con qué tecnoloxías/produtos/trebellos non podes vivir sen eles... e con eles! Se algo che resulta imprensindible, ou "pa'qué" inventaron iso, cóntanolo!!!!

Ademais, se aguantas ata o final, escoitarás un dos momentos máis épicos das bandas sonoras dos videoxogos. Iso nin Hans Zimmer!

Queríamos falar de algoritmos e abrimos demasiados melóns. Son cousas que pasan cando Amador e Xabi botan a falar ás veces sen pensar as cousas moito, e de comentario a comentario, tertulianos a monte que se volveron :)

Spark, Outlook, Mail, Mimestream... ningunha aplicación me permite todo o que quero! Problemas do primeiro mundo tecnolóxico para comezar o ano 2022. Ah, e a ver se notades algo diferente na gravación. Xa vos contarei...

Esta semana falamos sobre produtividade. Comezamos co correo electrónico, pero prometemos que falaremos outra vez sobre este tema, porque atallos, rutinas, pequenas apps ou metodoloxías... son parte do noso día a día. 

O titular ben podería ser que Amador é unha "persoa de bata", pero o eixo temático deste capítulo son os odios en internet e sobre a tecnoloxía. Que cousas aborrecen Amador e Xabi? Sobre que falamos de discursos de odio en liña? Todo isto e moito máis (escuro) nun episodio que remata coa luz das recomendacións deste episodio de outono. 

Que ben me prestou conversar con @jacobobuceta sobre o proxecto de #covidstagram que temos en marcha entre as universidades Estadual Paulista, Brasilia, Coruña e Vigo. 

Conversa nada técnica, non vos preocupedes. É amena.

Non é Zona Wifi nin Wi-tip, pero paga a pena. 

A meta-wifi! Hoxe na Zona Wifi imos a falar de Wifi. Para non quedar "fóra de cobertura". Si, seino. Estou "sembrado". 

Pero agardo que vos sexa útil: extensor wifi, plc, wifi mesh... esta é a miña experiencia na casiña. 

Ao fío do ataque de ransomwere do SEPE e do datacenter de OVH que ardeu esta semana, compartimos algúns consellos e as nosas configuracións de copias de seguridade.

Vaia capítulo especial este! Hoxe a Zona Wifi fúndese con Tip & Tic e Xabi e Amador conversan sobre competencias dixitais, sobre todo na era da pandemia, e recomendan empregar BitWarden e https://www.online-convert.com/

Por certo, o concepto ao que aludo no programa chámase "affordance", introducido por Gibson en 1977.

Por favor, suxerídenos nomes para esta colaboración, convidados (se queredes participar) e se vos gustan estes lazos que comezamos a tecer.

Maqueiro grazas a Windows, pero cando se fan as cousas BEN, hai que recoñecelo. Aquí che conto por que creo que Microsoft é un exemplo a seguir, de novo, e por que debes darlle unha oportunidade ao seu navegador: Edge https://www.microsoft.com/es-es/edge 

A propósito das recentes limitacións que vai a impoñer LastPass, falo un pouco das alternativas ou opcións que temos, e o mínimo que lle podemos pedir a un xestor de contrasinais. 

Coñecías o "truco do punto (.) de gmail?", é o primeiro de cinco trucos, consellos ou formas de optimizar o teu tempo de uso do correo electrónico

Nova temporada, novos propósitos. Aproveita o novo ano para tratar de fuxir dos servizos de Google coas alternativas que comparto no podcast. Adiante!

Neste podcast recomendo algúns podcasts que descubrín este ano e que se converteron en imprescindibles.

Hoxe cóntovos como fago para gravar e editar videotitoriais, a versión gratuíta co quicktime e a profesional con Capto, un software sinxelo, potente e por 14 euros!